Selma Murray is 'n munisipale werker en werk al die afgelope twintig jaar vir die munisipaliteit. Sy het haar loopbaan by die munisipaliteit as 'n navraagklerk begin. Sy het die pos vir vier jaar beklee.
In 2004 is sy in mev. Otto se plek aangestel en het sy 'n senior klerk geword. Haar werk behels die beantwoording van die telefoon, die ontvangs van kliënte en algemene administratiewe take. Sy was jare lank verantwoordelik vir die marathon en het dit baie geniet. Sy het die reëlings baie geniet. Sy het geleer om baie verdraagsaam te wees by die werkplek. Geduld is 'n sleutelwoord tot sukses. Selma is 'n vroegoggendmens, sy hou daarvan om vroeg op te staan. Sy hou van tuinmaak en daarom is sy hier waar sy tyd saam met God deurbring.
Sy hou baie van lees. Sy is betrokke by die kerk se koor en vrouediens waar hulle baie barmhartigheidswerk doen. Haar gunstelingkleur is blou.
My boodskap aan my kollegas is om julle oë op die Here gevestig te hou. Sy wil al die werkers bemoedig met Spreuke 3 vers 5 wat sê: Vertrou volkome op die Here en moenie op julle eie insigte staatmaak nie. Selma het deur 'n baie moeilike tyd gegaan toe sy 'n ligte beroerte gehad het tydens haar moeder se dood. "Ek het nie gedink ek sou ooit weer kon werk nie, maar hier is ek vandag en ek kan werk".
My kleinkinders inspireer my. Hulle gee my die moed om aan te gaan. Dit is dus vir my 'n voorreg om hulle te sien grootword.
Laastens wil sy elke werker aanmoedig dat dit die Genade van God is wat ons elke dag laat opstaan. Dit is vir haar 'n groot voorreg en eer om vir die munisipaliteit te kan werk.