IKhomishini yoNyulo (i-IEC) ibambe umhlangano wokufikelela kuluntu eMerweville ngokubambisana namasebe ahlukeneyo karhulumente kunye noMasipala waseBeaufort West, besondeza iinkonzo ebantwini.

Abemi bazalise iholo ukuze basebenzise iinkonzo ezifumaneka kwiindawo ezahlukeneyo zokuma, eziquka iSebe loPhuhliso loLuntu laseNtshona Koloni, iNgxowa-mali yeeNgozi zeNdlela, iiPaki zeSizwe zaseMzantsi Afrika kunye neSebe loBulungisa noPhuhliso loMgaqo-siseko.

I-Ofisi kamasipala yezeZindlu kunye neyabaHlwempu nayo ithathe inxaxheba kule nkqubo yokufikelela ebantwini.